Britaniya shahzodasi Garri va uning turmush o‘rtog‘i Megan Markl qirollik oilasidagi shaxsiy hayoti haqidagi yangi tafsilotlarni baham ko‘rdi. Juftlik haqida suratga olingan Netflix’ning yangi hujjatli filmida paparatsilarning diqqatini tortish muammolari, shuningdek, ularning saroydagi boshqa a’zolar bilan munosabatlaridagi nyuanslari yoritiladi.
Megan Markl shahzoda Uilyam va Keyt Middlton bilan birinchi uchrashuv haqida gapirdi. Kaliforniyalik malikaning so‘zlariga ko‘ra, u qirollik oilasi a’zolari bilan iloji boricha do‘stona munosabatda bo‘lgan va uni “bunday sovuq qabul qilishlarini” kutmagan.
“Biz saroy bog‘ida, o‘t ustida o‘tirgan edik. Men jinsi kiygandim va yalangoyoq edim, umuman olganda, men eng qulay obrazda bo‘lganman. Keyt Middlton va shahzoda Uilyam yetib kelishdi, Garri esa ularni kutib olishga ketdi. Ular bog‘ga kirganlarida, men yalangoyoq holatda ularning oldiga yugurib chiqdim va quchoqlamoqchi bo‘ldim. Mening kayfiyatim juda samimiy, iliq va ochiq edi, biroq ular o‘zlarini juda ‘sovuq’ tutdi, quchoqlash istagimni qo‘llab-quvvatlamadi”, — deydi Megan Markl.
Shuningdek, Megan Markl, Garrining qarindoshlarining britancha qattiqqo‘lligi oiladagi yuzaga kelishi mumkin bo‘lgan nizolarning sababiga aylanganini aniq aytdi. Biroq ijtimoiy tarmoq foydalanuvchilari aslida bu voqea shahzoda Uilyam va Keyt Middltonning ijobiy obrazini chizadi, deb hisoblashadi.
Uilyam va Keyt hech qachon o‘zlarini ‘ochiq’ va iliq qilib ko‘rsatmagan — bunday xususiyatlar odatda qirol oilasi a’zolariga xos emas. Juftlik vaqti-vaqti bilan o‘z his-tuyg‘ularini namoyon qilganda, masalan, Ketrin bolalar bilan uchrashganda his-tuyg‘ularini hech qachon tiya olmaydi, ular soxta ko‘rinmaydi.
Mavzuga doir:
- Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video).
- Megan Markl Gollivud filmlarini Osiyo ayollari haqidagi stereotiplar uchun tanqid qildi.
- 21 million dollarlik ovoz: Megan Markl o‘zining birinchi podkastida nima haqida gapirdi?
- Megan Markl Britaniya qirollik oilasidagi irqchilik haqida gapirib, shov-shuvga sabab bo‘lgan intervyusidan keyin ilk bor qirolicha Yelizaveta II bilan uchrashdi.
Izoh (0)