“Atrofdagilarning gap-so‘zlari e’tibor berishingizga arzimaydi”. Uels malikasi Keyt Middlton kamsitilishlar bilan qanday kurashgani haqida

Inson hayotida hech bo‘lmaganda bir marta bo‘lsa ham g‘iybat, qoralash va bullingga duch keladi. Keyt Middlton bularning barchasini boshdan kechirganini va natijada qimmatli saboq olganini hamma ham bilmaydi, deb yozadi The Voice Mag.

Keyt Middlton butun dunyodagi millionlab ayollar uchun namunadir. Kimdir gersoginyani juda omadli ayol, uning uchun hamma narsani amalga oshirish oson, deb xato o‘ylaydi. Chunki chindan ham bunday emas.

Masalan, shahzoda Uilyamning rafiqasi ham haqorat, g‘iybat va masxara nima ekanini yaxshi biladi. Ammo u bularning barchasiga dosh bera olgan va endi buni boshqalar bilan baham ko‘rishga tayyor.

Bulling bilan kurashish kerak, uni shunchaki qabul qilmaslik lozim

Keyt Middltonning maktab yillarini baxtli o‘tgan deyish qiyin. U 13 yoshida boshqa maktabga kelganida u yerdagi qizlar ikki yildan buyon birga o‘qiyotgan edi. Bundan tashqari, Ketrin internatda yotib qolmasdi, uyiga qaytardi. Buning uchun u sinfdoshlari tomonidan tez-tez ta’qib qilindi. “Hamma eng zo‘r, eng kuchli va eng go‘zal bo‘lishni xohlardi. Keyt boshidanoq u yerda o‘zini baxtsiz his qilgan”, — dedi Kembrij gersoginyasining maktabdagi do‘sti Emma Seyl.

Sinfdoshlari Ketrinning bo‘yi juda balandligi uchun kular edi. Keyt uchun esa ushbu muammoni mustaqil hal qilish qiyin kechgan va u bu haqda ota-onasiga aytgan. Maykl va Kerol darhol hujjatlarni olib, qizlarini boshqa ta’lim muassasasiga o‘tkazdi. Middlton uchun esa bu holat saboq bo‘ldi: hech bir inson o‘ziga nisbatan boshqa birov baho berishiga yo‘l qo‘ymasligi kerak. O‘sha voqeadan keyin u buni odatga aylantirdi.

G‘iybat e’tibor berishga arzimaydi

Albatta, har bir inson hayotida kamida bir marta bo‘lsa ham g‘iybatga duch kelgan. Tasavvur qiling-a, bu jamiyat orasidagi shaxs uchun qanday ta’sir qiladi? Qirollik a’zolarining o‘zlari shaxsiy ma’lumotlarni ommaviy axborot vositalari va odamlar bilan baham ko‘rishni istamasligini hisobga olsak, odamlarda bir qancha taxmin bor.

Masalan, 2015-yilda shahzoda Uilyamning sobiq sevgilisi Jessika Kreyg undan homilador ekani haqida mish-mishlar tarqaldi. Ma’lum bo‘lishicha, gersog Madriddagi matbuot anjumanida bo‘lganida, uni Jessika bilan birga ko‘rishgan. Bu shunchaki do‘stona uchrashuvmi yoki boshqa narsami noma’lum, biroq qiz bir necha oy o‘tgach, uning to‘yida ishtirok etganidan so‘ng OAV Britaniya taxti merosxo‘rining noqonuniy farzandi haqida gapira boshladi.

Keyinchalik Uilyam ko‘p marotaba ishqiy munosabatlar borasida mish-mishlarga ko‘mildi, ammo Keyt turmush o‘rtog‘i haqidagi g‘iybatlarga ishonmadi. Nega? Ularning hech qanday isboti yo‘q edi, u eriga ishonadi, chunki uni bunday pastkashlikka moyil deb bilmaydi.

Tabassum qilishdan qo‘rqmang

Qirollik oilasi xatti-harakatlar va his-tuyg‘ularni ifodalashda vazminlikni talab qiladi. Biroq Ketrin ko‘pincha bu qoidadan chetga chiqadi. U o‘ziga paltosida beysbol o‘ynashga yoki og‘zini katta ochib kulishga ruxsat beradi. Ko‘pincha u hazil qiladi, bu uni yanada jozibali ko‘rsatadi, lekin bema’ni emas. Kembrij gersoginyasi o‘z his-tuyg‘ularini tabiiy ravishda ifoda etadi. Ehtimol, uning aynan shu xislati unga butun dunyodagi odamlarning sevgisini qozonishga yordam bergan.

O‘z-o‘zini taftish qilish — bu o‘rganish kerak bo‘lgan iste’dod. Shunda odamlar sizga e’tibor qaratadi va har qanday vaziyatda o‘zingizga nisbatan ishonch hosil qilasiz.