2023 йилда Ўзбекистондаги давлат хизматлари марказларида 316 мингта эски намунадаги ҳайдовчилик гувоҳномалари янгисига алмаштирилди.
Ўтган йил давомида Тошкент шаҳрида энг кўп (116 947 та) эски намунадаги ҳайдовчилик гувоҳномалари янгисига алмаштирилган. Кейинги ўринларда Фарғона (42 654), Наманган (40 489) ҳамда Қашқадарё (34 597) вилоятлари ҳайдовчилари янги “права” олган.
Аввалроқ эски намунадаги гувоҳномаларни янги намунага алмаштириш муддатлари маълум қилинганди. Хусусан:
- 2010 йилгача бўлган даврда берилган “права”лар — 2023 йил 31 мартга қадар;
- 2010 – 2012 йилларда берилганлари — 2023 йил 30 июнга қадар;
- 2013 – 2015 йилларда берилганлари — 2023 йил 30 сентябрга қадар;
- 2015 йилдан кейин берилганлари эса 2023 йил 31 декабрга қадар алмаштирилиши мажбурий ҳисобланади.
Муддати ўтган ёки белгиланган муддатларда алмаштирилмаган ҳайдовчилик гувоҳномаси билан автомобиль бошқарган ҳайдовчига нисбатан “Маъмурий жавобгарлик тўғрисида”ги кодекснинг 135-моддаси билан “ҳужжатсиз бошқариш” бўйича маъмурий баённома расмийлаштирилади.
Эслатиб ўтамиз, 2023 йилнинг 30 январидан бошлаб эски намунадаги ҳайдовчилик гувоҳномасини my.gov.uz орқали онлайн олиш имконияти яратилган.
Изоҳ (0)