Аргентинада истеъмол товарлари нархлари 2023 йил давомида 200% га ошиб, 1990 йилларнинг бошидан бери энг юқори даражага етди. Бу ҳақда Financial Times нашри ёзмоқда.
Аргентина статистика агентлиги маълумотларига кўра, 12 ой давомида мамлакатда йиллик инфляция 211,4% ни ташкил этди. Декабрь ойида бу кўрсаткич 25,5 фоизга ошган. Аргентиналикларнинг харид қобилияти декабрь ойида ўртача 10% га камайди, иш ҳақи нархлардан секинроқ ўсгани қайд этилган.
Оқибатда Аргентина инфляция бўйича узоқ вақтдан бери Лотин Америкасида етакчи бўлиб келаётган Венесуэлани ортда қолдирди. 2023 йилда Венесуэлада инфляция 193 % ни ташкил қилди.
Таҳлилчиларнинг фикрига кўра, январь февраль ойларида ҳам Аргентинада инфляция юқори даражада сақланиб қолади.
Изоҳ (0)