Ғарб ракеталари ёрдамида Россиянинг учириш мосламаларини йўқ қилишга уринишлар бундай давлатга қарши ядро қуролини қўллашга асос бўлади. Бу ҳақда Россия Хавфсизлик кенгаши раиси ўринбосари Дмитрий Медведев маълум қилди.
Медведевга кўра, Ғарбнинг узоқ масофага учувчи ракеталари ёрдамида Россиянинг учириш мосламаларига зарба беришни “яхши метод” деб ўйлашади.
“Бу нимани англатади? Ҳа, фақат битта нарсани — улар Россиянинг ядровий тўхтатиб туриш соҳасидаги давлат сиёсати асосларининг 19-бандига қарши боришлари мумкин: г) оддий қуроллардан фойдаланган ҳолда Россия Федерациясига тажовуз қилиш, бунда давлатнинг мавжудлиги таҳдид остида бўлади. Бу ҳеч қандай ўз-ўзини ҳимоя қилиш ҳуқуқи эмас, балки шундай давлатга қарши ядро қуролидан фойдаланишимиз учун тўғридан-тўғри ва аниқ асосдир. Гитлер, Муссолини, Петеннинг барча меросхўрлари ва Киевдаги ънацистларъни қўллаб-қувватлаётган бугунги Европадаги бошқалар буни ёдда тутишлари керак”, — дея қўшимча қилди Медведев.
Шунингдек, у Россия ҳозирча Украинага қарши барча турдаги қуроллардан фойдаланганини маълум қилди.
“Ҳар хил таркибга эга бўлган турли ракета ташувчилар ишлатилган, ҳозирча ядровийлардан ташқари”, — деган у.
Россия тўртта вазиятда ядро қуролидан фойдаланиши мумкин
Бу Россия ҳарбий доктринасида очиқ-ойдин кўрсатилган. Жумладан, 19-бандда, ядровий қуролдан фойдаланиш мумкин бўлган тўртта вазият: ядровий ракеталарни учириш, ядро қуролидан фойдаланиш, ядро қуролини назорат қилувчи муҳим инфратузилма ёки давлатнинг мавжудлигига таҳдид соладиган бошқа ҳаракатлар шулар жумласидандир.
Изоҳ (0)