Россияда қийин аҳволда қолган ўзбекистонлик икки фарзанди билан ватанга қайтарилди, деб хабар бермоқда Ташқи меҳнат миграцияси агентлиги ахборот хизмати.
Унга кўра, Красноярскдаги “Мега-Строй-М”, Нижний Новгороддаги “Регион сервис” корхоналарида ишлаётган ўзбекистонликлар ҳамда уларнинг иш берувчиси билан учрашувлар ташкил этилди. Санкт-Петербург шаҳрида иш берувчиси томонидан тортиб олинган фуқароларнинг паспортлари қайтарилди. Перм ва Нижневартовскда молиявий оғир аҳволга тушиб қолган фуқароларга кўмаклашилди.
Иркутск шаҳрида қийин аҳволда қолган фуқаро икки нафар фарзанди билан ватанга қайтарилишида ёрдам кўрсатилди. Волгоград, Краснодар ва Новосибирскда меҳнат қилаётган бир гуруҳ фуқароларга ҳуқуқий маслаҳатлар берилди.
Изоҳ (0)