Россиянинг Перм шаҳрида қийин аҳволда қолган Ўзбекистон фуқароларига ёрдам кўрсатилди, деб хабар берди Ташқи меҳнат миграцияси агентлиги.
Маълум бўлишича, бухоролик К.С. жорий йил февраль ойида Перм шаҳрига ишлаш учун боради. Бироқ ноябрда ишдан ташқари вақтида автобусдан эҳтиётсизлик оқибатида йиқилиб, оғир тан жароҳати олади. Оқибатда меҳнат қилиш қобилиятини йўқотиб, мураккаб молиявий вазиятда қолади.
Шунингдек, фарғоналик Т.Р. 2021 йилда турмуш ўртоғи билан Россияда ишлаш учун боради. Номаълум сабабларга кўра, Т.Р.нинг турмуш ўртоғи Россия ҳудудидан депортация қилинади. Шу сабабли фуқаро тўрт ойлик чақалоғи билан мураккаб молиявий вазиятга тушиб қолади. Саломатлиги ҳам ёмонлашади.
Ўзбекистонликларга Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси томонидан ёрдам кўрсатилиб, Перм—Тошкент ҳамда Санкт-Петербург—Тошкент йўналишларидаги авиарейсларга чипта олиб берилган ва ватанга қайтарилган.
Изоҳ (1)
Sarlavhaga eʼtibor bering! oʻzbekiston (Oʻzbekiston), matnda buxoro-Buxoro. Bunday xatolar sizda odatiy holga aylanyapti, har bir maqola chiqarilishidan oldin tekshirilishi kerak menimcha! Nooʻrin va notoʻgʻri yozgan boʻlsam uzr soʻrayman.