Баъзи машҳур актёрлар ўзига бўлган юқори баҳо сабаб фильмларда бош ролга кастингларсиз ҳам танланишига ишонади. Қуйида ролидан айрилган ва айрилишига бир бахя қолган ижодкорлар ҳақда ҳикоя қиламиз.
Бейонсе — “Малика ва қурбақа”
Яхши овозга эга бўлиш актёр учун кастинг жараёнидаги энг муҳим омил эмас. “Малика қурбақа” мультфильмидаги Тиана ролини ижро этиши керак бўлган Бейонсе бундай деб ҳисобламаган. Бейонсе ўзига шунчалик ишонганки, ундан кастингдан ўтиш сўралганида у шунчаки эътиборсиз қолдирган ва якунда ролни йўқотган. Тиана роли бўлса Анике Нони Роусга насиб қилди.
Леонардо Де Каприо — “Титаник”
Леонардо Де Каприонинг фильмга танланиши кинемотография тарихидаги қизиқ ва ошкора воқеалардан бири бўлса керак. У кастингга чақиришларига қадар “Ромео ва Жулетта”, “Баскетболчининг кундалиги” ва бир қанча фильмларда суратга тушишга улгурган эди. Шунинг учун Лео ўзини ҳар қандай ролни ижро этиши мумкин бўлган биринчи рақамли актёр сифатида кўрган. Аммо Жеймс Кемерон билан учрашувдан кейин ачинарли ҳақиқатга дуч қилди. У кастингга таклиф қилиниб, Кейт Уинслет билан қўшма саҳнани ўқиш сўралганида жуда ҳайрон бўлган. Аввалига Лео улар оддий суҳбат ва фильм тафсилотларни муҳокама қилиш ва бир-бирларимизни яхшироқ билиб олишамиз деб ўйлаган, аммо якунда Жеймс ундан кастингда қатнашишни сўраган. Аввалига актёр қатнашишни истамаган. Кемерон ортиқча чўзмасдан ёш юлдузга чиқиш эшикларини кўрсатиб қўйган. Лео унга бўлган муносабатдан ҳайратда қолган. “Ўқимасам, ролни ололмайманми? Бу шунчалик оддийми?”, деган. Бунга жавобан Кемерон “ҳа, бу менинг ҳаётимнинг икки йилини эгаллайдиган улкан фильм ва мен пост-продюсерлик билан шуғулланаётганимда сиз яна бешта лойиҳа билан шуғулланишингиз мумкин. Мен кастингда нотўғри қарор қабул қилиб, фильмни бузиш ниятим йўқ. Ёки кастингда иштирок этасиз ёки ролдан маҳрум берасиз”, деб айтган. Лео вазиятни тушунди ва Кейт Уинслет билан эпизодни ўқиб чиқди. Кемерон биринчи дақиқадаёқ унинг олдида у излаган Жек турганини англади.
Кирстен Данст — “Вампир билан интервью”
Кирстенда ўзига бўлган ишонч унчалик ҳам юқори бўлмаган. У кастинг жараёнини шунчалик ёмон кўрганки, ҳатто уларга келмасликка ҳам тайёр бўлган. Унинг ишга нопрофессионаллик билан ёндашиши “Вампир билан интервью” фильмдаги кастинг жараёнидаги муваффақиятсизлигида маълум бўлди. Унинг кино маҳорати бўйича мураббийи уни нималарга қодир эканлигини кўрсатиш учун кастинг директорининг олтига қайта жўнатди. Якунда Кирстен ролга эга бўлди, лекин барибир кастингларни ёқтирмайди. Агар рол чиндан ҳам унга ёқса ва зарурият сезсагина кастинглардан ўтишини айтди.
Рассел Кроу — “Дедпул”
Комикслар яратувчиси Роберт Лиэфелдга “Дедпул-2” фильмининг кастинги жараёнида Рассел Кроуни Кейбл ролини чақириш ғоясини келади ва ижтимоий тармоқлардан бирида унга хат ёзади. Эртаси куни эрталаб у нуфузли одамларнинг унга хат ёзиб, Рассел Кроуни таклиф қилиб хатога йўл қўйганини айтишганини кўради. Робертнинг менежери унга шу йўл билан кастинглардан ўтишни ёмон кўрадиган Кроуни ҳақорат қилганини тушунтирган. Шунингдек, кейинчалик унга 20th Century Fox студиясидан ҳам телефон қилиб, танбеҳ берилган.
Семуэл Л. Жексон — “Жиноий асар”
Режиссёр Тарантино “Жиноий асар” фильмида бош ролни Самуэл Л. Жексон ижро этишини истаган. Кўп жиҳатдан Жюл қаҳрамони Жексон учун яратилгандек. Тарантино ҳатто Жексонга ролни унга беришини ваъда ҳам қилган. У Лос-Анжелесдаги кастинг жараёнида бошқа актёрлар ҳам Жюлга даъвогарлик қилаётганини билмагунча, у жуда ҳам хотиржам эди. Бўлаётган воқеалардан Самуэл ғазабланган ва кастинг директори билан учрашиш ва Тарантино билан бу ҳақда юзма-юз гаплашиб олиш учун у ерга борган. У кастинг майдончасига келганида продюсер уни Лоренс Фишбурн (бошқа актёр исми билан) деб чақирди. Бу атайлаб ёки хафа қилиш учун эмас эди. Аммо Жексон шунчалик хафа бўлдики, у ҳамма ерни остин-устун қилди. Биринчидан, у ролдан деярли ажралган, иккинчидан, уни Фишбурне деб чақириб аташган эди. Жексон ўша ерда туриб, бургер тишлаб ҳаммага бақирди. Бу саҳнага Тарантино гувоҳ бўлди, кейин у бошқа актёрлар ҳақида ўйлаш керак эмаслигини англади. Бу ерда бургер муҳим рол ўйнади, чунки Тарантино кейинчалик ушбу саҳнани ҳам фильмга қўшди.
Изоҳ (0)