“Гарри Поттер”да суратга тушган актёр ва актрисаларнинг молиявий аҳволи қанча экани ҳақида Grazia нашри маълумот беради.
Эмма Томпсон — 40 миллион доллар
Анча аввалроқ танилганига қарамай, айнан “Гарри Поттер” фильми ортидан Эмма катта миқдорда гонорарга эга бўлган, унинг молиявий аҳволи 40 миллион долларни ташкил қилади. У фильмда профессор Трелони ролини ижро қилган.
Гари Олдман — 40 миллион доллар
Голливуднинг энг кўзга кўринган актёрларидан бири ҳисобланган Гари Cириус Блек ролини ижро қилиб, ёш мухлислар қалбини забт этишга эришган. Кейинроқ Уинстон Черчилль роли учун “Оскар” мукофотини қўлга киритган. Унинг молиявий аҳволи рейтингда тўққизинчи ўринда.
Руперт Гринт — 50 миллион доллар
Франшизанинг барча қисмларида суратга тушган Гринт умумий миқдорда 70 миллион доллар ишлаб топган.
Ҳелена Бонем Картер — 60 миллион доллар
Ҳелена Бонем Картер истеъдоди ва маҳорати ортидан 60 миллион долларга эга бўлган.
Кеннет Брана — 60 миллион доллар
Кеннет Брана эса гавдалантирган роли эвазига 60 миллион доллар олган.
Эмма Уотсон — 85 миллион доллар
Эмма “Гарри Поттер” франшизаси ортидан 60 миллион, “Соҳибжамол ва махлуқ”да суратга тушгани эвазига эса 15 миллион долларга эга бўлган.
Роберт Паттинсон — 100 миллион доллар
Роберт “Гарри Поттер”дан унча кўп пул топмаган, аммо “Сумерки”даги роли сабаб катта маблағга эга бўлган. Айни вақтда мухлислар Dior Home’нинг юзи бўлган Роберт бош қаҳрамонни гавдалантирган “Бэтмен” премьерасини интиқлик билан кутмоқда.
Дэниeл Редклифф — 110 миллион доллар
“Гарри Поттер”даги бош қаҳрамонни гавдалантирган актёр франшизадан умумий миқдорда 95 миллион долларга эга бўлган. Ижодида бир оз танаффус кузатилганига қарамай, кинога қайтганидан кейин яна 15 миллион доллар ишлаб топган.
Жоан Роулинг — 1 миллиард доллар
Жоан ўзи муаллифлик қилган франшизада суратга тушмаган, аммо роль ижро этган актёр ва актрисалардан кўпроқ гонорар олган. Унинг китоби бутун дунё бўйлаб ярим миллиард нусхада сотилган. Роулинг эса дунёдаги энг бадавлат ёзувчилар орасида иккинчи ўринни эгаллаган.
Изоҳ (0)