Фарғона вилоятида блогер Фаррух Абдуллаев нотаниш шахс уни калтаклаб, телефонини тортиб олганини айтди. Вилоят ИИБ ҳолат юзасидан маълумот берди.
Унга кўра, видеохабар ва унда келтирилган ҳолатлар Фарғона вилояти ИИБ томонидан ўрганиб чиқилди. 8 январь фуқаро Ф.Абдуллаев томонидан нотаниш фуқаро унга куч ишлатиб, тан жароҳати етказгани, ҳақоратлагани ҳамда қўл телефонини тортиб олгани ҳақидаги 102 қисқа рақамига қилинган мурожаат Фарғона шаҳар ИИО ФМБ томонидан тегишли тартибда рўйхатга олинган.
Ҳозирда терговга қадар текширув ҳаракатлари олиб борилмоқда. Шунингдек, вилоят ИИБ ЖХХ ЙҲХБ ходимининг хатти-ҳаракатларига қонуний баҳо бериш учун хизмат текшируви тайинланди.
Изоҳ (0)