Ўзбекистонда солиқ солинмайдиган даромадларнинг турлари янгиланди, деб хабар бермоқда Солиқ қўмитаси ахборот хизмати.
Хабар берилишича, Солиқ кодексининг 378-моддасига солиқ солинмайдиган даромадларнинг қуйидаги турлари киритилди:
- акциялар оммавий жойлаштирилганда корхоналар ходимларининг ўз ойлик иш ҳақи ва унга тенглаштирилган тўловларидан ошмайдиган ушбу корхоналар ходимларининг акцияларга эгалик қилиш режаси доирасида акцияларни сотиб олишга йўналтирилган маблағлари;
- солиқ тўловчилар иш ҳақининг ва бошқа даромадларининг маҳаллий фонд бозорида эмиссия қилинган қимматли қоғозларни сотиб олиш учун шахсий инвестиция ҳисобварағига йўналтириладиган қисми, қуйидаги шартларда:
- солиқ даври давомида жами МҲТЭКМнинг 100 бараваригача бўлган миқдорда;
- тўловлар ўсиб бормайдиган тартибда тўланганда ва бирйўла тўланадиган тўловларни шартноманинг амал қилиш муддати бошланган кундан эътиборан 12 ой ичида қайтариб олмаслик шарти билан. Ушбу шартлар бузилган ёхуд шартнома муддатидан олдин бекор қилинган ва пул маблағлари тўлиқ ёки қисман қайтарилган тақдирда, қайтариладиган маблағларга тўлов манбаида солиқ солиниши лозим.
Изоҳ (0)