Эроннинг Кермон шаҳрида генерал Қосим Сулаймоний дафн этилган қабристонга олиб борувчи йўлда портлаш содир бўлди. Бу ҳақда IRNA хабар берди.
Хабарга кўра, портлаш оқибатида ҳалок бўлганлар сони 50 кишига етган, ярадорлар ҳам бор. Уларнинг сони ортиши кутилмоқда. Маҳаллий ҳокимият ҳодисани теракт деб баҳолаган.
Бугун (3 январь куни) Эрон миллий хавфсизлик олий кенгаши фавқулодда йиғилишдан сўнг Сулаймонийнинг ўлдирилишини АҚШнинг энг катта стратегик хатоси деб атаганди. Теҳрон Вашингтонга “керакли вақтда керакли жойда” қасос олишга ваъда берганди.
2020 йил 3 январга ўтар кечаси АҚШ Ислом инқилоби қўриқчилари корпусининг махсус кучлари қўмондони Қосим Сулаймоний ва Ироқ шиа милицияси раҳбари ўринбосари Абу Маҳди ал-Муҳандисни йўқ қилиш бўйича операция ўтказганди.
Улар 2019 йил 31 декабрь куни Бағдоддаги Америка элчихонасига ҳужум уюштиришга алоқадорликда айбланган. Бунга жавобан Эрон Американинг Ироқдаги базаларига, жумладан, Айн ал-Асадга зарба берган. Дастлаб АҚШнинг ўша пайтдаги президенти Дональд Трамп ва Пентагон расмийлари ҳужумдан кейин қурбонлар йўқлигини маълум қилганди. Кейин ҳарбийлар ярадорлар борлигини тан олишга мажбур бўлган. Шундан кейин уларнинг сони доимий равишда ўсиб борган.
Изоҳ (0)