“Толибон” ҳаракати ҳукмронлиги остидаги Афғонистон 2023 йилда икки миллиард долларга яқин суммадаги маҳсулотни экспорт қилди, деб ёзмоқда Sputnik Afghanistan.
“Толибон” Саноат ва савдо вазирлиги Афғонистоннинг 2023 йилда экспорти икки миллиард долларга яқин бўлганини, энг катта экспорт Покистон, Ҳиндистон, Хитой, Бирлашган Араб Амирликлари, Қозоғистон ва Ўзбекистонга тўғри келишини маълум қилди.
Вазирликнинг таъкидлашича, ўтган йили кўмир экспорти камайиб, қўшни давлатлар билан савдода муаммолар юзага келган бўлса-да, экспорт ҳажми ошган.
“Толибон” Савдо ва саноат вазирлигига кўра, жорий йилда Афғонистон экспорти ҳажми ўтган йилларга нисбатан икки фоизга ошганини кўрсатади.
Айни дамда мамлакат Савдо-саноат ва сармоя палатаси Афғонистон минтақа ва дунёнинг кўплаб давлатлари билан савдо-сотиқ олиб бораётгани, савдони ривожлантириш учун дунё хусусий секторга қўйилган чекловларни олиб ташлаши кераклигини таъкидламоқда.
Аввалроқ “Толибон” савдо вазири Афғонистон 60 та давлат билан савдо алоқаларини ўрнатганини маълум қилганди.
Изоҳ (0)