“Толибон” назорат қилаётган Афғонистон хавфсизлиги ва тинчлиги ҳақида ижобий фикр билдириш мақсадида май ойида Кобулга келган 84 ёшли Австрия фуқароси Ҳерберт Ф. қатл этилиши мумкин.
Австриянинг Hewitt журнали Ҳерберт Ф. 2023 йилнинг май ойида “Толибон” ҳукмронлиги даврида Афғонистондаги хавфсизлик ва тинчлик ҳақида репортаж тайёрлаш учун борганида ҳибсга олингани ҳақида хабар берди, ҳозир Ҳерберт “Толибон” қамоқхоналаридан бирида “ёмон шароитда” сақланмоқда.
Ҳерберт Австрия журналларидан бирида “ ъТолибонъ билан саёҳат” сарлавҳали мақоласини чоп этганидан бир неча ҳафта ўтиб, ҳибсга олинган. “Толибон” расмийлари уни жосусликда айбламоқда.
Бу мақолада у “Толибон” ҳукмронлиги остидаги Афғонистондаги ҳаётга ижобий муносабат билдирган.
Ҳерберт дунёнинг хавфли жойларига саёҳат қилишга қизиқади. У 1980 йилда ҳам Афғонистонга сафар қилган ва мамлакатнинг айрим ҳудудларида бўлган.
Сайёҳ бир неча йил аввал ИШИДга қарши курашаётган Сурия шимолида яшовчи курдлар билан учрашиш учун у ерга борган.
Австрияликнинг оиласи унинг бир қулоғи эшитмаслигини айтиб, Австрия ҳукуматидан унинг қатл этилишига йўл қўймаслик ва озодликка чиқаришга аралашишни сўрамоқда.
Аввалроқ Австрия ҳукумати ўз фуқароларини Афғонистонга саёҳат қилиш хавфи ҳақида огоҳлантирган эди.
Изоҳ (0)