АҚШ Афғонистонни тарк этаётганда бу мамлакатда кўп қурол қолдиргани ҳақидаги хабарлар ҳақиқатга тўғри келмайди. Бу ҳақда Оқ уй миллий хавфсизлик кенгаши матбуот котиби Жон Кирби маълум қилди.
Кирби Қўшма Штатлар “Толибон”га катта миқдорда қурол қолдиргани ҳақиқатга тўғри келмаслиги ва бу “бемаъни” даъво эканини билдирди. У Американинг Афғонистонда 20 йил ичида қилган иши мамлакат хавфсизлик кучларини жиҳозлашга ёрдам бериш бўлганини айтди.
Кўп марта айтганимиздек, “Толибон” ҳаракатининг олдинга силжиши билан кўплаб афғон хавфсизлик кучлари жанг қилмасликка қарор қилдилар ва қуролларини қўйиб, кетишди, — деди Оқ уй расмийси.
Шунингдек, Жон Кирби Покистон Американинг минтақадаги асосий ҳамкори эканини ва бу давлат трансчегаравий терроризм таҳдидига дуч келаётганини билдирди.
Афғонистонда қолдирилган қуроллар АҚШ расмийлари томонидан рад этилган бўлса-да, маълумотларга кўра, “Толибон” ҳокимиятга келганидан кейин Америка 7 миллиард доллардан ортиқ ҳарбий техника ва қуролларни қолдирган. “Толибон” қўлидаги қуролларнинг аксарияти Америкада ишлаб чиқарилган
Изоҳ (0)