“Меҳридарё” лойиҳасига фарғоналик бемор Шерзод Султонов мурожаат қилиб, халқдан ёрдам сўради. Унинг ота-онаси руҳий бемор, кекса инсонлар. Уларга дори-дармондан ташқари, рўзғорлик ҳам керак.
— Онамнинг айтиши бўйича болалигимда рахит ва гепатит А касаллиги билан қаттиқ оғриган эканман. Шу боис кўп касалхонага ётиб даволанишимга тўғри келган. 2020 йили яна саломатлигимда жиддий муаммолар кузатила бошлади. Ҳозирги кунда қон босими, ошқозон яраси, бурун ўсимтаси каби ёндаш касалликларим ҳам бор. Аммо сўнгги вақтларда бурундаги ўсимта сабаб нафас олишга қийналяпман. Фарғоналик шифокорлар буни Тошкентда операция қилдириш кераклигини айтишди. Суриштирсам операцияга 20-25 миллион маблағ керак экан.
Моддий аҳволимиз унчалик яхши эмас. Оиланинг ёлғиз боқувчисиман, аммо саломатлигимнинг ёмонлашгани сабаб, ҳеч қаерда ишлолмаяпман. Дадам 20 йилдан буён руҳий хаста.
2014 йили акам Абдуваҳҳоб Султонов Россияга ишлагани бориб, қуруқ туҳмат билан 13 йилга қамалиб қолган. Унинг айбсизлигини исботлаш учун кўп ҳаракат қилдик. Аммо фойда бермади. Онам унга сиқилиб, хасталикка чалинди. Ҳозирда у ҳам руҳий касал. Ота-онам кекса, руҳий хасталикдан ташқари, уларнинг ёндош касалликлари ҳам бор.
Зудлик билан операция бўлишим керак, аммо қўлимда умуман маблағ йўқ. Оиламиз билан фақат отамнинг нафақа пулига кун кўрамиз. Шу боис, халқдан ёрдам сўрашга мажбур бўлдим. Яхши инсонлар, оиламизга ёрдам беринглар, — дейди олтиариқлик Шерзод Султонов.
Шерзод Султоновга хайрия қилишни истасангиз,
9860 0803 8700 6689 (Шерзод Султонов)
Мурожаат учун: +99894) 741-07-87
Изоҳ (0)