Ғарбнинг Украинага ёрдами билан боғлиқ муаммолар фонида АҚШ президенти маъмурияти ва Европа расмийлари Украинани қўллаб-қувватлаш стратегиясини жимгина ўзгартирди. Бу ҳақда Politico хабар берди.
Хабарга кўра, стратегия Россия устидан тўлиқ ғалабага эришишга, Киевнинг урушни тугатиш бўйича мумкин бўлган музокаралардаги позициясини яхшилашга қаратилган. Оқ уй расмийси ва Вашингтонда ишлайдиган европалик дипломат Politico нашрига исмини ошкор қилмаслик шарти билан айтганидек, бундай тинчлик музокаралари Украина ҳудудининг бир қисмини Россияга беришни англатиши мумкин.
Оқ уй ва Пентагон Россия армиясини Украинадан бутунлай чиқариб юбориш зарурлигини очиқчасига таъкидласа-да, яширинча Киев билан ҳудудларни озод қилиш уринишларидан воз кечиб, стратегик мудофаага ўтиш зарурлиги ҳақида муҳокама қилмоқда. Бу ҳаво мудофаасини кучайтириш ва мудофаа истеҳкомларини қуришни ҳам ўз ичига олади. Бундан ташқари, Байден мамурияти Украинанинг ўз мудофаа саноатини тезда қайта тиклашга эътибор қаратган.
“Мудофаа ҳолатига ўтиш украиналикларга ресурсларни тежаш имконини беради, аммо Россиянинг келажакдаги тараққиёти даргумон”, — АҚШ армияси ҳарбий коллежининг разведка бўйича мутахассиси Энтони Пфафф.
Вашингтондаги европалик дипломатнинг айтишича, Европа Иттифоқи ҳам Украинани Москва билан “музокаралар учун энг яхши шароитга келтириш” учун Украинанинг НАТОга аъзолигини тезлатмоқчи. Politico стратегик вазиятга назар ташлар экан, “Украиналикларнинг ўзи ҳам Путинга қанча вақт қаршилик кўрсатиши мумкинлиги ҳақида оммавий мунозара билан шуғулланаётганини” қайд этади.
“Украинада ҳам қўшин, ҳам қурол-яроғ етишмаётган экан, Зеленскийнинг Москва билан янги музокаралар ўтказишдан бош тортиши мамлакатда сиёсий жиҳатдан номақбул бўлиб кўринади. Яна ярим миллион аскарни сафарбар қилмоқчи бўлган Украина президенти ўзининг бош қўмондони генерал Валерий Залужний ва Киев мэри Виталий Кличконинг ички қаршиликларига дуч келмоқда”, — дейилади хабарда.
Изоҳ (0)