Украина Қуролли кучлари бош қўмондони Валерий Залужний Донецк вилоятидаги Маринка шаҳри энди йўқлигини айтди. Бу ҳақда Meduza хабар берди.
Россия Маринкани тўлиқ қўлга олганини изоҳлар экан, Залужний Украина қўшинлари шаҳардан чекинганини маълум қилди.
“Кучимиз етганича, ҳимоя қиламиз. Аммо одамларни қутқариш яхшироқ эканини тушунсак, унда (шаҳарни — “Дарё” таҳрири) кейинроқ қайтариб оламиз”, — деди Залужний.
У муайян аҳоли пункти йўқолганлиги сабабли “шоу ёки мотам” қилишнинг ҳожати йўқлиги, чунки Украина учун биринчи навбатда одамлар муҳимлигини таъкидлади. Авдеевка ва Бахмутдаги вазиятни тушунтирар экан, Залужний қуйидагиларни айтди:
“Ҳар бир ер биз учун азиз, қанчалик кучимиз етса, шунча ҳимоя қиламиз. Агар куч етмаса, одамларни қутқарамиз, кейин уни қайтариб оламиз. Руслар Авдеевкани 2-3 ойда қўлга киритишлари мумкин”.
25 декабрь куни Россия мудофаа вазири Сергей Шойгу Россия президенти Владимир Путинга рус армияси Маринкани тўлиқ эгаллаб олганини маълум қилганди. Украина Қуролли кучлари эса шаҳар учун жанглар давом этаётганини билдирганди.
Изоҳ (0)