Uzbekistan’s Club “Ўзбекистонлик.Students” махсус лойиҳасининг учинчи эпизодини тақдим этди.
16 декабрь куни соат 17:00 да YouTube’даги расмий канал ва MY5 телеканалида “Ўзбекистонлик.Students” махсус лойиҳасининг учинчи эпизодининг миллий премьераси бўлиб ўтди. Унда томошабин янги қаҳрамонлар билан танишади, уларнинг ҳикоялари, шубҳасиз, томошабинларни илҳомлантиришга қодир. Янги қаҳрамонлар орасида жаҳон рейтингида 58-ўринни эгаллаб турган Бристол университети талабаси Азима Тоирова ҳам бор. Азима нейроилм ва таълим соҳасида мутахассис бўлиб, бу соҳаларда ўзига хос истиқболини намойиш этиб келмоқда.
У билан биргаликда лойиҳада дунёнинг топ 350 та энг яхши университетлари қаторидан жой олган Англия Рускин университети талабаси Нодирбек Қаҳрамонов ҳақида ҳам ҳикоя қилинади. Нодирбек халқаро бизнес ва менежментни ўрганиб келмоқда ва бу соҳаларда ўзи учун янги қирраларни очмоқда.
Қайд этиш жоизки, мазкур лойиҳани амалга оширишда Ёшлар агентлиги, шунингдек, доимий ҳамкорлар — Ucell ва Турин политехника университети катта ёрдам кўрсатиб келмоқда. Ва, албатта, лойиҳанинг “қанотлари” Uzbekistan Airways’дир.
Эслатиб ўтамиз, Uzbekistan’s Club — бутун дунёдаги ўзбекистонлик муваффақиятга эришган ёшларни бирлаштириш, шунингдек, ўзбекистонликлар имижини замонавий, меҳнатсевар ва интеллектуал салоҳияти юқори миллат сифатида тарғиб қилиш учун яратилган глобал майдон.
Изоҳ (0)