Наманганда жорий йил 11 ойи давомида рўй берган йўл-транспорт ҳодисаларининг қарийб ярми ёки 443 таси пиёдалар билан боғлиқ бўлган. Бу ҳақда “Дарё” мухбири Азизбек Абдувалиев хабар бермоқда.
Фото: Оқилхон Мамажанов
Фото: Оқилхон Мамажанов
Пиёдалар иштирокидаги ЙТҲлар оқибатида 47 нафар фуқаро вафот этди, 402 киши турли даражадаги тан жароҳатлари олди.
Фото: Оқилхон Мамажанов
Фото: Оқилхон Мамажанов
“Бундай ҳодисалар сони 2022 йилнинг шу даврига нисбатан 4,5 фоиз, уларда вафот этганлар сони 28,8 фоиз, тан жароҳати олганлар сони 1,5 фоизга камайди. Бироқ ушбу рақамлар барибир бизда ташвиш уйғотмай қўймайди. Шу сабабли бу йўналишда мунтазам равишда рейдлар ўтказиб, йўлларни белгиланмаган жойларда кесиб ўтаётган, йўлдан ўтиш чоғида телефон қурилмаларидан фойдаланаётган пиёдаларга жарималар қўлланмоқда. Жорий йилнинг шу кунига қадар йўл ҳаракати қоидаларини бузган пиёдаларга нисбатан 11 319 та маъмурий баённома расмийлаштирилди. Шунингдек, пиёдаларга йўл бермай, уларнинг ҳаётини хавф остига қўяётган ҳайдовчиларга ҳам чоралар кўрилмоқда”, — дейди вилоят ИИБ ЙҲХБ ахборот гуруҳи мутахассиси Эркин Сатторов.
Фото: Оқилхон Мамажанов
“Дарё” мухбири иштирок этган рейд давомида бир куннинг ўзида йўл ҳаракати қоидаларига риоя этмаган 60 нафар пиёда ва 20 нафар пиёдаларга йўл бермаган ҳайдовчи аниқланди. Уларга нисбатан тегишли тартибда баённомалар расмийлаштирилди.
Фото: Оқилхон Мамажанов
Изоҳ (0)