Самарқандда “Ўзэнергоинспекция” томонидан ҳуқуқни муҳофаза қилувчи органлар ва “Ҳудудий электр тармоқлари” мутахассислари иштирокидаги навбатдаги рейдда яна бир ноқонуний майнинг ферма аниқланди.
Самарқанд шаҳрида фаолият юритиб келаётган “Г.Б.М.” МЧЖ (мебел ишлаб чиқариш цехи шаклида рўйхатдан ўтган, аммо у ерда яширинча майнинг фаолияти билан шуғулланган) 47 дона майнинг қурилмасига эга майнинг фермаси фаолиятини ташкил этган.
Дастлабки ҳисоб-китобларга кўра, ушбу МЧЖ томонидан давлат манфаатларига 9 миллиард 852 миллион сўмдан ортиқ зарар келтирган.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар ҳуқуқни муҳофаза этувчи органларга тақдим қилинган.
Изоҳ (0)