Кувайт амири Наваф ал-Аҳмад ал-Жобир ас-Сабоҳ 86 ёшида вафот этди. Бу ҳақда Al Jazeera Кувайт давлат телевидениесига таяниб, хабар берди.
Амирнинг ўлими сабаблари ошкор этилмаган. Ноябрь ойи охирида у “соғлиғи билан боғлиқ муаммолар” туфайли зудлик билан касалхонага ётқизилгани хабар қилинганди.
Наваф ал-Аҳмад ал-Жобир ас-Сабоҳ Кувайтни 2020 йилдан бери бошқариб келарди. У аввалги амир, ўгай акаси Сабоҳ IV нинг вафотидан кейин ушбу лавозимини эгаллаган.
Ас-Сабоҳ сулоласи Кувайтни XVIII аср ўрталаридан буён бошқариб келади. Наваф ал-Аҳмад ал-Жобир бу сулоланинг ўн олтинчи ҳукмдори ва Кувайт Британиядан мустақил бўлганидан кейин олтинчи амири бўлди.
Изоҳ (0)