Фарғонада қарама-қаршига чиқиб ҳаракатланган Tahoe йўл-транспорт ҳодисасини содир этди. Ижтимоий тармоқларда ҳолат акс этган видеолар тарқалди.
![](/static/2023/Nigora/photo_2023-12-15_12-34-13.jpg)
Вилоят ИИБ ЖХХ ЙҲХБ матбуот хизмати берган маълумотга кўра, 2003 йилда туғилган Й.М Tahoe’ни бошқариб Марғилон шаҳар Аҳмад Яссавий ва Тинчлик кўчалари кесишган чорраҳага яқинлашиб келаётган вақтида, йўлнинг қарама-қарши йўналишига чиқиб ҳаракатланиши оқибатида ўз йўналишида ҳаракатланиб келаётган, 1992 йилда туғилган Т.С бошқарувидаги Tico билан тўқнашган.
![](/static/2023/Nigora/photo_2023-12-15_12-34-14.jpg)
Оқибатда Tico ҳайдовчиси ва бир нафар йўловчиси тан жароҳати олиб шифохонага ётқизилган.
Ҳозирда ушбу ҳолат юзасидан Марғилон шаҳар ИИБ ЙҲХБ томонидан терговга қадар текширув ҳаракатлари олиб борилмоқда.