“Калмар ўйини” реалити-шоуси ғолиби 4,56 млн доллар мукофот билан тақдирланди

Жанубий Кореянинг машҳур “Калмар ўйини” сериали асосида ташкил қилинган реалити-шоу ғолиби 4,56 миллион АҚШ доллари миқдорида мукофот билан тақдирланди.

Вьетнамлик Май Вилан исмли иштирокчи бош совринни қўлга киритди. Ғолиблик учун турли синовларда 456 нафар иштирокчи қатнашди. Ўйинлар худди сериалдаги қоидалар асосида ташкил қилинди.

Аёлнинг сўзларига кўра, у бу мукофотдан болаларни ўқитиш ва қарияларга ғамхўрлик қилиш учун фойдаланмоқчи.

“Ўйинга қўшилганимнинг асосий сабаби хайрия ишларига ёрдам бериш бўлган. Мен ғалаба қозондим. Дунёда тушкунликка тушиб қолган инсонларга ёрдам бериш кераклигини айтадиган платформам бор”, — деди Вилан Пенсильвания штати ахборот агентлигига берган интервьюсида.

Унинг таъкидлашича, у ютуғи билан Unbound хайрия ташкилотини қўллаб-қувватлашни оширишни режалаштирмоқда.

Бундан ташқари, реалити-шоу ғолиби ютуқнинг бир қисмини ўзи учун қолдиришини айтган, чунки у тез орада нафақага чиқиш ниятида.

Май Вилан, шунингдек, бошқаларга ёрдам беришга умид қилганига қарамай, ютуқдан ҳали бир тийин ҳам олмаганини айтди.