Жанубий Корея ва Netflix ҳамкорлигида суратга олинган “Калмар ўйини” сериалининг илк тизери ва иккинчи мавсумида суратга тушадиган актёрлар таркиби эълон қилинди.
.jpg)
“Эмми” мукофоти совриндори Ли Жонг Же, Ли Бён Хон, Ви Ҳа Жун ва Кон Ю яна лойиҳада ўйинчи сифатида пайдо бўлади. Шунингдек, сериал актёрлари таркибига Им Ши Ван (“Ўғирланган шахс” лойиҳасида суратга тушган), Кан Ха Нил (“Югураётган инсон” фильмида суратга тушган), Пак Сон Ун (“Ов” лойиҳасидаги роли билан танилган) ва Ян Дон Гин (“Номаълум манзил” фильмида иштирок этган) қўшилган.
Сюжет катта пул мукофотини қўлга киритиш учун шафқатсиз ўйинларга жонини тиккан қаҳрамонлар ҳақида ҳикоя қилади. Сериалнинг янги мавсуми қачон намойиш этилиши эълон қилинмаган. “Калмар ўйини” 2021 йилнинг сентябрь ойида намойиш этилди ва Netflix тарихидаги энг кўп томоша қилинган сериалга айланди. Лойиҳа намойиш этилганидан бир ой ўтиб, стириминг хизматида 1,65 миллиард соат томоша қилинган сериал бўлди.
Изоҳ (0)