«Калмар ўйини» сериалининг муаллифи Хван Дон-Хёк шоунинг яқинлашиб келаётган мавсуми ҳақидаги саволларга жавоб берди. Унинг сўзларига кўра, кейинги мавсумларда Голливуднинг таниқли актёрларидан бири Леонардо Ди Каприо сериалда рол ўйнаши мумкин, деб ёзади «Фильм.ru».
«Иккинчи мавсумда таниқли Голливуд актёрлари бўлмайди, учинчи мавсумда бунинг эҳтимоли бор — аммо навбатдаги мавсум ҳам Кореяда суратга олинади. Леонардо Ди Каприо ‘Калмар ўйиниънинг ашаддий мухлиси эканини айтди, шунинг учун имконият туғилса, биз ундан сериалда рол ижро этишини сўраймиз», — дейди Хван.
Шунингдек, сериал режиссёри иккинчи фаслни суратга олиш ишлари 2023 йили бошланишини ва янги эпизодлар Netflix’да 2024 йилгача чиқмаслигини таъкидлади. Бунга параллел равишда стрим хизмати сериал асосида халқаро реалити-шоуни ишлаб чиқмоқда.
Изоҳ (0)