Эстония Украинага қиймати 80 миллион евро бўлган Javelin танкка қарши ракета ва бошқа қуролларни жўнатишга қарор қилди, деб хабар берди Болтиқбўйи республикаси давлат телерадио портали ERR.
“Ҳукумат мудофаа вазири Ханно Певкурнинг Украинага узоқ муддатли ҳарбий ёрдам кўрсатиш ва унга 80 миллион евро қийматидаги турли хил қурол ва бошқа зарур жиҳозларни жўнатиш таклифини қўллаб-қувватлади”, — дейилади хабарда.
Ёрдам пакетига Javelin танкка қарши ракеталардан ташқари пулемётлар, ўқ-дорилар, турли жиҳозлар, шунингдек, сув остига шўнғиш ускуналари киради.
2022 йилдан бери Эстония Киевга деярли 500 миллион евролик ҳарбий ёрдам кўрсатди, бу мамлакат ялпи ички маҳсулотининг 1,4 фоизини ташкил қилади.
Изоҳ (0)