Қирғизистонда депутат Камила Талиева оилада учинчи фарзанд туғилгани учун нафақа беришни таклиф қилмоқда. У бу таклифни 14 декабрь куни Жогорку Кенеш йиғилишида билдирган, дея хабар берди AKIpress.
Депутат мамлакатда туғилиш йил сайин камайиб, демографик инқироз авж олаётганини таъкидлади. Масалан, 2019 йилда 173 минг, 2020 йилда 158 минг, 2021 йилда 150 минг бола туғилгани қайд этилди. Талиева оилаларни учинчи фарзанд кўришга рағбатлантириш ва 3 йилгача “Алтин бала” (“Олтин бола”) нафақасини беришни таклиф қилди.
“Биз вариантларни муҳокама қилишга тайёрмиз. Бу дастурни баланд тоғли ва чекка чегарадаги қишлоқларда синов режимида жорий этишни таклиф қиламан. Демак, 2025 йилнинг 1 январидан бошлаб чегара ҳудудларида нафақалар оилавий аҳволидан қатъий назар, ортиқча бюрократиясиз, барча ҳужжатларсиз барчага берилиши мумкин. 2026 йил 1 январдан бошлаб баланд тоғли ва чекка ҳудудларда лойиҳани амалга оширишни бошлаш мумкин”, — деган Талиева.
Изоҳ (0)