Қирғизистонда ҳам мактаб ўқувчилар кучли совуқ туфайли 13-14 декабрь кунлари онлайн таълимга ўтказилди. Бу ҳақда Таълим ва фан вазирлигига таяниб, 24.kg хабар берди.
Вазирликнинг тушунтиришича, агар аҳоли пунктларида ҳаво ҳарорати -25 даражадан паст бўлса, дарслар масофадан туриб ўтказилади. Айрим мактаб ўқувчиларининг ота-оналар расмийларнинг кеч қарор қабул қилганларидан ғазабланган. Баъзи болалар бугун (13 декабрь) дарсга борган, улар уйларига қайтариб юборилган.
“Бу болалар ва ўқитувчиларга нисбатан даҳшатли муносабат, чунки кўпчилик узоқда яшайди. Қандай қилиб соат 07.00 да (таълим масофавийга ўтгани ҳақида — “Дарё” таҳрири) хабар бериш мумкин?”, — деган ота-оналар.
“Агар болалар мактабга келса, дарс ўтилиши мумкин. Бу ихтиёрий масала”, — таъкидлаган Таълим ва фан вазирлиги.
Эслатиб ўтамиз, Қозоғистоннинг Остона ва бошқа бир қатор шаҳарларидаги мактаб ўқувчилари ноқулай об-ҳаво шароити туфайли масофавий таълимга ўтказилди. Республикада 27-31 даражали совуқ кузатилмоқда, ҳаво 38 даражагача совиб кетиши прогноз қилинган.
Изоҳ (0)