Шимолий Корея етакчиси Ким Чен Ин мамлакатда туғилиш даражаси пасаяётганидан хавотир билдирди. Бу ҳақда Корея марказий ахборот агентлигига таяниб, “Коммерсант” хабар берди.
КХДР раҳбари буни ёшлар ўртасида “антисоциалистик хулқ-атвор муаммоси” ортиб бораётгани билан боғлади ва аёлларни “партия, инқилоб ва мамлакат учун” имкон қадар кўпроқ бола дунё келтиришга чақирди. Ким Чен Ин “кўп фарзандни дунёга келтирган қаҳрамонларга, етим болаларни парвариш қилаётган оналарга, Пхеньян ва вилоят аёллар иттифоқи вакилларига” миннатдорлик билдирибгина қолмай, “оналар масъулиятни ўз зиммасига олиши, жамият ва оила олдидаги вазифаларни бажариши учун муаммоларни муҳокама қилиш” зарурлигини таъкидлади.
Корея марказий ахборот агентлигига кўра, бешинчи миллий оналар йиғилишида иштирок этганлар “меҳр ва эътиқодга тўла меҳрибон отанинг мурожаатини йиғлаб тинглаган”.
Изоҳ (0)