Ташқарида декабрь, ўтaётган йил сарҳисобини қилишнинг айни вақти. Бугун биз машҳурларнинг ёрқин ва узоқ кутилган тўйлари ҳақида маълумот берамиз.
Адель ва Рич Пол
2023 йил ноябрь ойида Адель турмушга чиққанини эълон қилди. Британиялик қўшиқчи Алан Каррнинг муаллифлик шоусида бу хушхабарни мухлислари билан бўлишди. Машҳурнинг бўлажак турмуш ўртоғи бизнесмен ва баскетболчи Леброн Жеймснинг агенти Рич Пол эди.
Барбара Палвин ва Дилан Спроус
Ёзда жуфтлик муносабатларини расман қонунийлаштирди. Дилан ва Барбара иккита тўй ўтказишга қарор қилди. Биринчисини Венгрияда оила ва дўстлар даврасида, иккинчиси Америкада бўлиб ўтди.
Рита Ора ва Тайка Вайтити
Аслида Рита Ора ва Тайка Вайтитининг тўйи ўтган ёзда бўлган. Бироқ юлдузлар шу йилнинг бошида мухлислар билан хушхабарни баҳам кўришга қарор қилди. Жуфтликнинг яширин тўйи Лос-Анжелесда бўлиб ўтган. Тўйга фақат саккизта меҳмон таклиф қилинган, ҳатто уларнинг ота-оналари тўйни Zoom орқали томоша қилган.
Мишель Йео ва Жан Тодт
Мишель Йео севгилиси Жан Тодт билан 2004 йилда танишган. Уларнинг ўртасида дарҳол ҳис-туйғулар пайдо бўлади. Бир ярим ой ичида Тодт актрисага турмуш қуришни таклиф қилади. Актриса таклифга рози бўлади. Бироқ, жуфтликнинг тўйга тайёргарлик кўришга вақти йўқ эди — шунинг учун 19 йил ўтибгина улар расмий равишда тўй қилди. Мишель ва Жан Женевада қариндошларини йиғиб, кичик кечки зиёфат уюштирди.
Аня Тейлор-Жой ва Малкольм МакРей
Аня Тейлор-Жой ва мусиқачи Малкольм МакРей Венецияда қадимий Palazzo Pisani Moretta’да турмуш қурди. Меҳмонлар орасида Николас Ҳолт, Кара Делевин, Жулия Гарнер ва Майлз Теллер бор эди. Айтганча, ёшлар “Қиролича юриши” сериалида танишган. Улар учрашганидан икки кун ўтгач, Малкольм Аня учун қўшиқ ёзади ва муҳаббати билан юлдуз қалбини забт этади.
Тейлор Хилл ва Дэниел Фраер
Тейлор Хилл ва унинг турмуш ўртоғи Дэниел Фраер тўйларига масъулият билан ёндашди. Улар унаштирувдан сўнг дарҳол тўй 2023 йил ёзида бўлишини эълон қилишди. Маросим жойи ва қандай ўтиши ҳам тезликда келишиб олинди.
Изоҳ (0)