Бирлашган Миллатлар Ташкилоти Хавфсизлик кенгаши Ғазо секторидаги урушга оид резолюцияни бу сафар ҳам қабул қила олмади, деб хабар бермоқда Reuters.
Резолюция лойиҳаси Бирлашган Араб Амирликлари томонидан тайёрланган. Ҳужжат зудлик билан ўт очишни тўхтатишни талаб қилади.
Резолюция АҚШ ветоси туфайли қабул қилинмади. Буюк Британия бетараф қолди, Хавфсизлик кенгашининг қолган 13 аъзоси эса ҳужжатни ёқлаб овоз берди.
АҚШ вакили резолюцияни “мувозанатланмаган” ва “ҳақиқатдан йироқ” деб атади. Унинг таъкидлашича, зудлик билан ўт очишни тўхтатиш фақат “янги уруш уруғини сепади”, чунки ҲАМАС тинчликка астойдил интилмаяпти.
Бу БМТ Хавфсизлик кенгашининг Яқин Шарқда 7 октябрь куни бошланган уруш бўйича резолюцияни қабул қилишга бешинчи уриниши бўлди.
Изоҳ (0)