Birlashgan Millatlar Tashkiloti Xavfsizlik kengashi G‘azo sektoridagi urushga oid rezolyutsiyani bu safar ham qabul qila olmadi, deb xabar bermoqda Reuters.
Rezolyutsiya loyihasi Birlashgan Arab Amirliklari tomonidan tayyorlangan. Hujjat zudlik bilan o‘t ochishni to‘xtatishni talab qiladi.
Rezolyutsiya AQSH vetosi tufayli qabul qilinmadi. Buyuk Britaniya betaraf qoldi, Xavfsizlik kengashining qolgan 13 a’zosi esa hujjatni yoqlab ovoz berdi.
AQSH vakili rezolyutsiyani “muvozanatlanmagan” va “haqiqatdan yiroq” deb atadi. Uning ta’kidlashicha, zudlik bilan o‘t ochishni to‘xtatish faqat “yangi urush urug‘ini sepadi”, chunki HAMAS tinchlikka astoydil intilmayapti.
Bu BMT Xavfsizlik kengashining Yaqin Sharqda 7-oktyabr kuni boshlangan urush bo‘yicha rezolyutsiyani qabul qilishga beshinchi urinishi bo‘ldi.
Izoh (0)