Тошкент халқаро аэропортида кенг кўламли реконструкция ишлари бошланди, деб хабар беради Uzbekistan Airports матбуот хизмати.
Шу муносабат билан 8 декабрь соат 12:00 дан бошлаб Тошкент халқаро аэропортидаги йўл ўтказгичга (эстакада) чиқиш чекланади.
Таъкидланишича, автотранспорт воситалари ва туристик автобусларнинг кириши учун халқаро терминал автотураргоҳи ёнида алоҳида йўловчи тушириш йўлаги ташкил этилади.
Шунингдек, терминалда реконструкция ишлари олиб борилиши сабаб Тошкент халқаро аэропортининг учиб кетиш залига кузатувчиларнинг кириши вақтинча чекланади.
Uzbekistan Airports компанияси вақтинчалик ноқулайликлар учун узр сўрайди.
Тошкент халқаро аэропорти эстакадаси 2021 йилнинг июлида транспорт ҳаракати учун тест режимида очилганди. Бутун эстакада бўйлаб транспорт воситаларининг рақамларини танийдиган, турини аниқлай олувчи ва улар томонидан йўл ҳаракати қоидаларига риоя қилинишини назорат этувчи интеллектуал видеокузатув камералар тизими ўрнатилган.
Изоҳ (0)