Uzbekistan Airways авиакомпаниясининг Москва—Термиз йўналишида учаётган HY9610 рейси 5 декабрь куни Ақтўбега қўнди.
Uzbekistan Airports матбуот хизматининг маълум қилишича, бунга йўловчилардан бирининг соғлиғи ёмонлашгани сабаб бўлди. Шу сабабли Россиядан Ўзбекистонга учаётган самолёт Қозоғистон халқаро аэропортидаги муқобил аэродромга йўл олди. Экипаж борт тагига тез ёрдам машинасини чақиртирган.
Самолёт Тошкент вақти билан соат 14:28 да Ақтўбега қўнган бўлиб, яқин соатларда манзил аэропорти—Термизга учиб кетиши кутилмоқда.
Изоҳ (0)