Бирлашган Миллатлар Ташкилотининг Болалар жамғармаси (ЮНИСЕФ) вакили Жеймс Элдер Исроилнинг Ғазо жанубидаги ҳарбий амалиёти таъсиридан жиддий хавотирлар борлигини айтди. Бу ҳақда BBC хабар берди.
![](/static/2023/photo_2023-12-04_17-42-35.jpg)
“Ғазо сектори шимолида одамлар бошдан кечирган даҳшатли воқеалар жанубда содир бўлмаслиги кераклиги ҳақида юқори даражада огоҳлантиришлар бўлди. Бироқ айнан шундай бўлмоқда”, — деди Элдер.
Унинг ҳисоб-китобларига кўра, бомбалар “ҳар 10 дақиқада” тушади. Элдер Ғазо жанубида яшовчиларнинг ҳаётига хавф солувчилар қаторига чарчоқ ҳам қўшилганини айтди.
“Одамлар уч-тўрт марта бомбардимон остида қолиб чарчашган, болалари учун куч сақлашга ҳаракат қилишмоқда, борадиган жойлари йўқ. Мен болаларни ва уруш пайтида даҳшатли жароҳат олган ота-оналарнинг замбилда бақираётганини кўрганимда шуни ўйладимки, улар касалхоналарда хавфсиз эмаслар, бошпаналарда ҳам хавфсиз эмаслар. Ўзимни хавфсиз ҳис қила олмайман ва бошқа ҳеч ким ўзини хавфсиз ҳис қилмайди”, — деди Ғазода бўлган ЮНИСЕФ вакили Жеймс Элдер.
Изоҳ (0)