Парагвай Қишлоқ хўжалиги вазирлиги раҳбари Арналдо Чаморро мавжуд бўлмаган давлат билан шартнома имзолагани учун ўз лавозимидан четлатилди. Бу ҳақда Deutsche Welle хабар берди.
Амалдорнинг сўзларига кўра, уни алдаб, сохта давлат вакиллари билан музокаралар олиб бориб, ўзаро англашув меморандумини имзолашга мажбурлашган. Унинг сўзларига кўра, “Кайласа Қўшма Штатлари” расмийлари унга мамлакат Жанубий Америкадаги орол эканини айтган.
“Улар ташриф буюриб, Парагвайга ёрдам бериш истагини билдиришди. Бир нечта лойиҳаларни тақдим этишди, уларни тингладик ва шу билан бари тугади”, — деди у.
Ўзаро англашув меморандуми дипломатик муносабатлар ва Бирлашган Миллатлар Ташкилотига (БМТ) аъзо бўлишга интилиш мажбуриятини олади.
Чаморро ва Парагвай Қишлоқ хўжалиги вазирлиги “Кайласа Қўшма Штатлари” вакилларининг ҳийла-найрангларига дучор бўлган биринчи амалдорлар эмас. Икки томон имзолаган меморандум икки “мамлакат” ўртасида дипломатик муносабатлар ўрнатишни назарда тутган.
Вазирлик бланкаси ва расмий муҳри бўлган ҳужжатда Чаморро “Каиласа Қўшма Штатлари суверени ҳурматли Нитянанда Парамасивам” ни табриклайди ва унинг “ҳиндуизм, инсоният ва Парагвай ривожланишига қўшган ҳиссасини” олқишлайди. Меморандум, шунингдек, Кайласани турли халқаро ташкилотларга, жумладан, БМТга қабул қилишга чақиради.
Қишлоқ хўжалиги вазирлиги баёнотда “процессуал хатоларъ учун афсусда ва меморандумни расмий деб ҳисоблаш мумкин эмаслигини ва Парагвай Давлатига ҳеч қандай мажбурият юкламаслигини айтди.
“Кайлас Қўшма Штатлариъ раҳбари Нитянанда 2019 йилда Ҳиндистондан қочиб кетган ва турли жиноий айбловлар, жумладан жинсий жиноятлар бўйича қидирувга берилган.
Унинг қаердалиги номаълумлигича қолмоқда. “Кайласа Қўшма Штатлари”дан вакиллар 2023 йил бошида Женевада БМТнинг иккита тадбирида қатнашган. Кейинчалик БМТ расмийлари уларнинг изоҳлари инобатга олинмаслигини айтган. Парагвай департаменти вақтинчалик Луис Мигел Паредесни штаб бошлиғи этиб тайинлаган.
Изоҳ (0)