Paragvay Qishloq xo‘jaligi vazirligi rahbari Arnaldo Chamorro mavjud bo‘lmagan davlat bilan shartnoma imzolagani uchun o‘z lavozimidan chetlatildi. Bu haqda Deutsche Welle xabar berdi.
Amaldorning so‘zlariga ko‘ra, uni aldab, soxta davlat vakillari bilan muzokaralar olib borib, o‘zaro anglashuv memorandumini imzolashga majburlashgan. Uning so‘zlariga ko'ra, “Kaylasa Qo‘shma Shtatlari” rasmiylari unga mamlakat Janubiy Amerikadagi orol ekanini aytgan.
“Ular tashrif buyurib, Paragvayga yordam berish istagini bildirishdi. Bir nechta loyihalarni taqdim etishdi, ularni tingladik va shu bilan bari tugadi”, — dedi u.
O‘zaro anglashuv memorandumi diplomatik munosabatlar va Birlashgan Millatlar Tashkilotiga (BMT) a’zo bo‘lishga intilish majburiyatini oladi.
Chamorro va Paragvay Qishloq xo‘jaligi vazirligi “Kaylasa Qo‘shma Shtatlari” vakillarining hiyla-nayranglariga duchor bo‘lgan birinchi amaldorlar emas. Ikki tomon imzolagan memorandum ikki “mamlakat” o‘rtasida diplomatik munosabatlar o‘rnatishni nazarda tutgan.
Vazirlik blankasi va rasmiy muhri bo‘lgan hujjatda Chamorro “Kailasa Qo'shma Shtatlari suvereni hurmatli Nityananda Paramasivam” ni tabriklaydi va uning “hinduizm, insoniyat va Paragvay rivojlanishiga qo‘shgan hissasini” olqishlaydi. Memorandum, shuningdek, Kaylasani turli xalqaro tashkilotlarga, jumladan, BMTga qabul qilishga chaqiradi.
Qishloq xo‘jaligi vazirligi bayonotda “protsessual xatolar‘ uchun afsusda va memorandumni rasmiy deb hisoblash mumkin emasligini va Paragvay Davlatiga hech qanday majburiyat yuklamasligini aytdi.
“Kaylas Qo‘shma Shtatlari‘ rahbari Nityananda 2019-yilda Hindistondan qochib ketgan va turli jinoiy ayblovlar, jumladan jinsiy jinoyatlar bo‘yicha qidiruvga berilgan.
Uning qayerdaligi noma’lumligicha qolmoqda. “Kaylasa Qo‘shma Shtatlari”dan vakillar 2023-yil boshida Jenevada BMTning ikkita tadbirida qatnashgan. Keyinchalik BMT rasmiylari ularning izohlari inobatga olinmasligini aytgan. Paragvay departamenti vaqtinchalik Luis Migel Paredesni shtab boshlig‘i etib tayinlagan.
Izoh (0)