Сирдарёда ичимлик суви ва оқова хизматлар бўйича янги тарифлар тасдиқланди

Сирдарё вилоятида ҳам ичимлик суви ва оқова хизматлар бўйича янги тарифлар тасдиқланди. Бу ҳақда “Ўзсувтаъминот” матбуот хизмати хабар берди.

Унга кўра, 2023 йилнинг 15 декабридан нархлар қуйидагича ўзгаради:

Ичимлик суви:

• аҳоли учун 1 метр куб — 2 500 сўм (амалда 1 250 сўм);
• бюджет ташкилотлари учун 1 метр куб — 7 000 сўм (амалда 2 500 сўм);
• улгуржи истеъмолчилар учун 1 метр куб — 7 000 сўм (амалда 2 500 сўм);

Оқова сув хизмати:

• аҳоли учун 1 метр куб — 800 сўм (амалда 530 сўм);
• бюджет ташкилотлари учун 1 метр куб — 2 000 сўм (амалда 1200 сўм);
• улгуржи истеъмолчилар учун 1 метр куб — 2 000 сўм (амалда 1200 сўм);

Бундан аввал Фарғона, Самарқанд, Хоразм, Андижон, Қашқадарё, Сурхондарё ва Тошкент вилоятида ичимлик суви ва оқова хизматлар бўйича янги тарифлар тасдиқланганди.