Samarqand viloyatida ham ichimlik suvi va oqova xizmatlar bo‘yicha yangi tariflar tasdiqlandi. Bu haqda “O‘zsuvta’minot” matbuot xizmati xabar berdi.
Unga ko‘ra, 2023-yilning 16-noyabridan quyidagi belgilangan tariflar amalda qo‘llaniladi:
Ichimlik suvi:
- aholi uchun 1 m3 — 2500 so‘m;
- budjet tashkilotlari uchun 1 m3 — 5700 so‘m;
- ulgurji iste’molchilar uchun 1 m3 — 5 700 so‘m.
Oqova suv xizmati uchun:
- aholi uchun 1 m3 — 1600 so‘m;
- budjet tashkilotlari uchun 1 m3 — 4200 so‘m;
- ulgurji iste’molchilar uchun 1 m3 — 4300 so‘m.
Qayd etilishicha, kelgusi 5 yilda viloyatda markazlashgan ichimlik suvi bilan ta’minlanish darajasi 73,1 foizdan 92,5 foizga, kanalizatsiya xizmati qamrovi 18,7 foizdan 45,1 foizga yetkazilishi rejalashtirilgan. Buning uchun 2,3540 trillion so‘m evaziga, 4361,20 ming kilometr ichimlik suvi va 472,9 kilometr kanalizatsiya tarmog‘i, shuningdek, 432 ta suv va 45 ta kanalizatsiya inshootlari barpo etilishi belgilangan.
Bundan tashqari ish haqi, elektr-energiya, soliq to‘lovlari, xorijiy kreditlar to‘lovi amalga oshirilgan bo‘lib, joriy va kapital ta’mirlash, tizimni modernizatsiya qilish ishlarida ham sarf-xarajatlar talab etiladi.
Shu munosabat bilan Xalq deputatlari Samarqand viloyati kengashi tomonidan 1-noyabrda viloyatda ichimlik suvi ta’minoti va oqova suv xizmatlari uchun yangi narxlar tasdiqlandi.
Bundan avval Xorazm, Andijon, Qashqadaryo, Surxondaryo va Toshkent viloyatida ichimlik suvi va oqova xizmatlar bo‘yicha yangi tariflar tasdiqlangandi.
Izoh (0)