Sirdaryoda ichimlik suvi va oqova xizmatlar bo‘yicha yangi tariflar tasdiqlandi

Sirdaryo viloyatida ham ichimlik suvi va oqova xizmatlar bo‘yicha yangi tariflar tasdiqlandi. Bu haqda “O‘zsuvta’minot” matbuot xizmati xabar berdi.

Unga ko‘ra, 2023-yilning 15-dekabridan narxlar quyidagicha o‘zgaradi:

Ichimlik suvi:

• aholi uchun 1 metr kub — 2 500 so‘m (amalda 1 250 so‘m);
• budjet tashkilotlari uchun 1 metr kub — 7 000 so‘m (amalda 2 500 so‘m);
• ulgurji iste’molchilar uchun 1 metr kub — 7 000 so‘m (amalda 2 500 so‘m);

Oqova suv xizmati:

• aholi uchun 1 metr kub — 800 so‘m (amalda 530 so‘m);
• budjet tashkilotlari uchun 1 metr kub — 2 000 so‘m (amalda 1200 so‘m);
• ulgurji iste’molchilar uchun 1 metr kub — 2 000 so‘m (amalda 1200 so‘m);

Bundan avval Farg‘ona, Samarqand, Xorazm, Andijon, Qashqadaryo, Surxondaryo va Toshkent viloyatida ichimlik suvi va oqova xizmatlar bo‘yicha yangi tariflar tasdiqlangandi.