90 йиллар ўрталарида режиссёр Шехар Капур ўзининг бўлажак фильми — “Ҳаммаси яхши бўлади”нинг кастингида дўсти билан бирга келган ёш қизни кўриб қолади. Ўша пайтда Ритик Рошан бош ролга тайинланган ва унга партнёр қидирилаётган эди.
Директорнинг эътиборини тортган бу қиз — гўзал Прити Зинта эди. Шекҳар унга яқинлашиб, иккиланмасдан бош ролга таклиф қилади. “Менда нимани пайқаганини билмайман, — деб эслайди Прити. — Менимча, ўшанда ажойиб қиз каби кўринишни хоҳлаган бўлсам керак. Лекин чўнтагимдан танга чиқариб, унга шундай дедим: “Биласизми, мен актриса эмасман. Аммо бу тақдир бўлса-чи? Ҳозир танга ташлайман, агар ўнг томони тушса, фильмингизда ўйнашга розиман. Агар тескари тушса, мендан хафа бўлмайсиз”.
Оддий танга қизнинг тақдирини бир умрга ўзгартириб юборади. Бироқ фильм суратга олинмайди. Йиллар ўтиб, бу лойиҳа бошқа режиссёр ва бошқа актёрлар таркиби — Саиф Али Хон ва Рани Мукержи билан бошланди. Капур Притини режиссёр Мани Ратнамга тавсия қилади, қиз “Бир кўришдаги севги” (1998) романтик триллерида кичик рол ижро этади.
Прити Зинта 1975 йил 31 январда Шимла шаҳрида армия офицери оиласида туғилган. Ҳиндистондаги армия мамлакатдаги энг интеллектуал ва дунёвий жамоалардан бири ҳисобланади. Ҳарбийларнинг болалари оиласи бой бўлмаса-да, бутун Ҳиндистон бўйлаб саёҳат қилишади, жуда яхши мактабларда ўқишади ва ажойиб уйларда яшашади.
Оддий ота-оналар қизига киносаноатда ишлашга рухсат беришмасди. Актрисалик ҳинд қизлари шуғулланадиган касб эмас, деб ҳисоблашган. Қоматингизни экранда кўрсатишингиз, турмуш қуришдан олдин ишлашингиз, турли одамлар билан мулоқот қилишингиз керак, ҳар доим ҳам бунга тўғри муносабатда бўлишмаган.
Одатда Болливуд актрисалари жуда бой (шунинг учун уларнинг ота-оналари нима бўлишидан қатъи назар, улар хавфсиз бўлишларини билишади, чунки уларни пул ҳимоя қилади) ёки актёрлар оиласидан бўлишади. Притининг кинога ҳеч қандай алоқаси йўқ эди, лекин ўзига ишонарди, шунинг учун ҳам кинога қўрқмасдан қадам қўйди.
У камера олдида ўзини тутиш тажрибасига эга эди. Коллежда ўқиб юрганида уни кастинг агенти пайқаб қолади ва рекламада рол ўйнашни таклиф қилади. Реклама дарҳол хитга айланади ва ҳамма Притининг кулгичларига мафтун бўлади.
Ёш соҳибжамолнинг биринчи фильми уни дарҳол бошқа актрисалардан фарқлайди. У дадил образлари туфайли актрисалик обрўсини бузишдан ёки ролларини йўқотишдан қўрқмасди. Ҳаёт аллақачон уни шу қадар жасур қилгандики, Прити ҳеч нарсадан қўрқмасди. У Шимла шаҳрида ота-онаси ва иккита укаси билан катта бўлганди.
13 ёшида ота-онаси даҳшатли автоҳалокатга учрайди ва Прити отасидан жудо бўлади. Онаси эса узоқ вақт тўшакка михланиб қолади. Шундан сўнг Прити ва укалари фақат ўзларига таяниб, ўзлари катта бўлишади.
Актрисанинг фильмдаги роллари ўзи каби жасур ва ўзига хосдир. Унинг кўплаб қаҳрамонлари интилувчан ва мустақил равишда муваффақиятли карьера қуради. Тез орада унга ўхшашни истаган қизлар содиқ мухлисларига айланади.
Притининг йигитлар билан бўлган муносабатларида омади унчалик юришмайди. Унинг биринчи йигити промоутер ва мода саноати вакили — Марк Робинсон эди. Маркнинг ўзи дастлаб моделлик қилган, кейин эса мода ҳафталиклари ва “Ҳиндистон гўзали” каби тадбирларни ташкил этади. Марк қиздан 10 ёш катта эди ва уларнинг муносабатлари бир йилдан сал кўпроқ давом этади.
Ажрашгандан сўнг бир неча йил ёлғиз қолган актриса умр йўлдош топишга шошилмайди. 2005 йилда Зинта бизнесмен Несс Вадия билан учраша бошлайди. Несс ундан атиги 4 ёш катта бўлиб, жуфтликнинг ўхшаш жиҳатлари кўп эди. Улар ИПЛ франшизаси ва крикет жамоасини сотиб олиш учун фойдаланган умумий корпорацияни ташкил қилиб, бизнес шерикларга айланишади. Уларни бирга кўриш одатий ҳол эди ва улар жуда бахтли кўринишарди.
Ва кутилмаганда 2009 йилда Прити ва Несс ажралишади. Бундан ташқари, актриса Гарвардда бизнес курсида ўқиш учун Бостонга кўчиб ўтаётганини эълон қилади.
Шундан сўнг Прити беш йилга мамлакатни тарк этди. 2014 йилда эса Прити Несс Вадиянинг устидан маиший зўравонлик ва ҳақорат учун полицияга ариза берганида унинг исми яна матбуот саҳифаларидан тушмай қолади.
У Ҳиндистонга ўзининг продюсерлик компанияси ва ўзи суратга олган “Париждаги севги” фильми билан қайтади, афсуски, фильм кассада муваффақиятсизликка учради. Аммо бу Притининг бир неча йил давомида йўқ бўлганидан кейин деярли 40 ёшида соҳага қайтишга жуда дадил уриниши эди.
Крикет ўйинларидан бирида Притининг собиқ эри унга ташланиб қолади, бу сафар актриса полицияга шикоят қилади. Зинта томонида фақат битта гувоҳ бор эди, унинг меҳмони бўлган "америкалик" (оммавий ахборот воситаларида айтилишича). Бошқалар эса сирли равишда ҳеч нарсани кўрмаган ёки Несс томонида бўлади.
Икки йил ўтгач, Прити ўзини ҳимоя қилган ўша “америкалик”ка турмушга чиқади. Жин Гуденаф — Лос-Анжелеслик бошқарувчи, укасининг дўсти эди. Улар Америкада кичик оилавий маросимда турмуш қуришади. Шундан сўнг Бомбейда катта зиёфат бўлиб ўтади.
Кўпчилик бундай деб ўйламайди, лекин Прити Зинта ҳақиқатан ҳам зўравонлик қурбони бўлган. У озод бўлиш учун кинони тарк этишга мажбур бўлди. У карьерасини, Бомбейдаги дўстларини ва шон-шуҳратини ташлаб кетди. У Несснинг ҳақоратли хатти-ҳаракатларига узоқ вақт тоқат қилди. Америкага кетган Зинта ўзини севадиган одамни топди, турмушга чиқди.
2021 йил ноябрь ойида эр-хотин эгизаклар Жай ва Жияни суррогатлик орқали дунёга келтиришди. Прити ҳозиргача чақалоқларнинг юзларини кўрсатмаган. Приянка Чопра ва Бипаша Басу ҳам анчадан бери қизларини кўрсатмаётган эди, бироқ яқинда ёқимли суратлар билан бўлишишди.
Изоҳ (0)