Россиялик сиёсатчи Алексей Навальний Politico талқини бўйича 2023 йилда Европанинг энг нуфузли одамлари рейтингига киритилди. Рейтингда, нашрга кўра, келгуси йилда Европа сиёсатини белгилаб берадиган одамлар қайд этилади.
Навальний “Орзу қилувчилар” тоифасидаги рейтингга киритилиб, унда иккинчи ўринни эгаллади. Уни “Россиянинг (Нельсон) Манделаси” деб аташди.
Politico нашрининг таъкидлашича, “Президент Владимир Путиннинг Навальнийни заҳарлаш ва изоляция қилиш бўйича барча саъй-ҳаракатларига қарамай”, мухолифат етакчиси “диктаторнинг ўз душманларига нисбатан шафқатсиз муносабатига омма эътиборини қаратиб, норозиликни руҳлантириш ва қўзғашда давом этмоқда”.
Politico шунингдек, Навальнийни Россиядаги “деярли ягона мухолифат етакчиси” деб атади.
У 2018 йилги сайлов пайтидаги каби, 2024 йилнинг март ойида бўлиб ўтадиган президентлик сайловларида ҳам Путинга рақиб бўла олмайди, бироқ Навальнийнинг ҳақиқий қудрати ва соғлиғи заифлашгани сари унинг рамзий кучи ўсишда давом этмоқда, — деб ёзди журналистлар.
Politico Украина президенти Владимир Зеленскийни “Йил орзучиси” деб топди. Украина Президенти офисининг раҳбари Андрей Ермак эса “Фаоллар” номинациясида тўртинчи ўринни эгаллади.
“Бузғунчи” номинациясида биринчи ўринни Россия Марказий банки раҳбари Элвира Набиуллина эгаллади. Нашр Марказий банк раҳбарини Владимир Путиннинг “тилсиз шериги” деб атади.
Politico Польшанинг собиқ бош вазири Дональд Тускни Европадаги энг нуфузли шахс деб топди. “Фаоллар” номинациясида биринчи ўринни Италия бош вазири Гиоргиа Мелони эгаллади.
2022 йилда Politico Владимир Зеленскийни Европадаги энг нуфузли шахс деб атаганди.
Изоҳ (0)