Фаластиннинг ҲАМАС ҳаракати Исроил билан сулҳни тўрт кунга узайтирмоқчи. Бу ҳақда BBC хабар берди.
ҲАМАСга яқин аноним манбага кўра, ҳаракат худди ҳозирги шартлар остида “сулҳни тўрт кунга узайтиришга рози”. Шартлар Исроил қамоқхоналаридаги фаластинлик маҳбусларни озод қилиш эвазига ҳар куни камида 10 нафар исроиллик гаровга олинганларни озод қилиш, Ғазо секторига инсонпарварлик ёрдамини етказиш ва Исроилнинг ушбу сектор устидаги парвозларини (жумладан, дронлар) тўхтатиб туришни ўз ичига олади. Тегишли шартлар асосидаги келишув олтинчи кундан бери амал қилмоқда, у аллақачон бир марта икки кунга узайтирилган.
Расмий равишда у 29 ноябрь куни тугайди, бироқ Қатарда Исроил, АҚШ ва Миср разведка хизматлари раҳбарлари иштирокида сулҳни яна бир неча кунга узайтириш бўйича қизғин музокаралар олиб борилмоқда.
Изоҳ (0)