Исроил гаровга олинганларни озод қилишни давом эттириш учун ҲАМАС билан амалдаги сулҳни узайтиришга тайёр, деди Исроил бош вазири Биньямин Нетаньяху АҚШ президенти Жо Байден билан суҳбатда. Бу ҳақда The Times of Israel хабар берди.
“Яна бир гуруҳ гаровга олинганлар, болалар ва аёлларни уйга қайтардик, оилалар бирлашганини кўрганимизда бутун халқ каби менинг ҳам қалбим таскин топди”, — деди у.
Исроил бош вазирининг фикрича, сулҳни узайтириш янада кўпроқ гаровга олинганларни озод қилишга имкон беради: “ҳар куни 10 киши”.
Шу билан бирга, унинг таъкидлашича, ўт очишни тўхтатиш тўғрисидаги келишув бекор қилингандан сўнг мамлакат армияси ўз мақсадларига – ҲАМАСни йўқ қилишга қайтади.
Оқ уй матбуот хизматига кўра, Байден Фаластин гуруҳи томонидан гаровга олинганларнинг озод қилинишини олқишлаган (улар орасида ота-онасидан айрилган тўрт ёшли америкалик қиз ҳам бор), у ва Нетаняху асирга олинганларни қайтариш бўйича ишларни давом эттиришга келишиб олган.
Аввалроқ ҲАМАС ҳам Исроил томонидан ҳибсга олинган фаластинликларни озод қилиш учун сулҳни узайтиришга тайёрлигини билдирганди. Келишув шартларига кўра, 50 нафар исроиллик гаровга олинганлар эвазига 150 нафар фаластинлик маҳбус озод қилинади.
Томонлар ўртасида тўрт кунлик сулҳ 24 ноябрь куни, Тошкент вақти билан соат 10:00 да (маҳаллий вақт билан 7:00) бошланган.
Изоҳ (1)
aldov