Исроил армияси Ғазо секторида ўт очишни тўхтатиш режими бузилгани ҳақида хабар берди. Фаластиннинг ҲАМАС гуруҳи оташкесим Исроил томонидан бузилганини маълум қилди.
Исроил томонига кўра, сўнгги бир соат ичида Ғазо сектори шимолидаги икки хил жойда Исроил қўшинлари яқинида учта портловчи қурилма ишга туширилиб, оташкесимни бузган.
“Жойлардан бирида ҲАМАС ҳарбий хизматчиларга қарата ўт очган, улар ҳам жавобан ўқ узган. Ҳодиса оқибатида бир қанча аскар енгил тан жароҳати олган. Иккала ҳодисада ҳам қўшинлар оператив паузанинг бир қисми сифатида ўз ўрнида бўлган”, — дейди Исроил армияси.
Ўз навбатида, ҲАМАС олий раҳбариятининг вакили Абу Убейда буни тасдиқлаб, Исроилни сулҳ битимини бузганликда айблади.
“Ғазо сектори шимолида ўт очишни тўхтатиш келишувини душман очиқдан очиқ бузиши натижасида бизнинг мужоҳидларимиз бу қоидабузарлик билан шуғулланди. Душман ўз мажбуриятларини амалга оширгунча, биз сулҳга содиқмиз. Воситачиларни босқинчиларга босим ўтказишга, уларни қуруқликда ва ҳавода сулҳнинг барча шартларини бажаришга мажбур қилишга чақирамиз”, — деди Абу Убейда.
Бугун Исроил, АҚШ ва Миср вакиллари Ғазо секторида ўт очишни тўхтатиш режимини узайтириш масаласини муҳокама қилиш учун Доҳага келган.
Изоҳ (0)