Иқтисодиёт ва молия вазирлиги Тошкент шаҳрида жойлашган “Қўйлиқ” ва “Чорсу” деҳқон бозорларидаги қишлоқ хўжалиги маҳсулотларининг 27 ноябрдаги улгуржи нархлари ҳақида маълумот берди.
Ўрганишларга кўра, душунба тонгида “Қўйлиқ”да нархи сезиларли даражада кўтарилган маҳсулотлардан бири узум бўлган. Ўтган ҳафта аввалида килоси максимум 90 000 сўмгача сотилган узум жорий ҳафта бошида 100 000 сўмгача ошди.
Нокнинг юқори нархи ҳам килосига 35 000 сўмдан 45 000 сўмга қимматлашди.
Вазирлик ахборотига қараганда, бугун “Чорсу”да мол гўштининг килоси 60 000 – 70 000 сўмдан, қўй гўшти 65 000 – 70 000 сўмдан сотилмоқда. Гўшт улгуржи нархлари бир ойдан ортиқ вақт давомида ўзгармай келмоқда.
“Қўйлиқ” бозорида Лазер гуручининг килосини 18 000 – 25 000 сўмдан, нўхатни 18 000 – 20 000 сўмдан, қизил ловияни 14 000 – 17 000 сўм, мошни 10 000 – 12 000 сўмдан харид қилиш мумкин.
Мазкур бозорда картошканинг килоси 1 700 – 4 000 сўм, пиёзники 1 200 – 2 200 сўм, сабзиники эса 1 000 – 2 500 сўм. Булғор қалампирининг килоси 2 000 – 20 000 сўмдан, бодринг 15 000–20 000 сўмдан, помидор 10 000 – 21 000 сўмдан, саримсоқ пиёз 12 000 – 23 000 сўмдан сотилмоқда.
Мевалардан бананнинг килосини максимум 23 000 сўмдан, анор 50 000 сўм, лимон 30 000 сўм, беҳи 25 000 сўмгача харид қилиш мумкин.
Вазирлик “Қўйлиқ” бозорида 28 турдаги мева, сабзавот, дуккакли ва гуруч маҳсулотлари нархлари бўйича маълумотлар эрталаб соат 5:00 дан 7:00 га қадар ўрганилганини қайд этган. “Чорсу” бозорида мол ва қўй гўшти нархлари бўйича маълумотлар эрталаб соат 5:00 ва 8:00 оралиғида йиғилгани эслатилган.
Изоҳ (0)