Алексей Навалнийнинг жамоаси Дубайда Россия давлат думасининг 13 нафар депутатининг қимматбаҳо кўчмас мулклари борлигини аниқлади.
Деярли барча депутатлар ҳашаматли турар жой мажмуаларидаги квартираларни ўз яқинлари номига рўйхатдан ўтказган. Терговчилар Дубай ер реестрини ўрганиб чиққандан кейин шундай маълумотларни қўлга киритган.
Дубайда квартираси бор депутатларнинг аксарияти “Единая Россия”дан. Улардан энг машҳурлари Россиянинг Украинага ҳужуми бошланганидан кейин рафиқаси Дубайда учта квартира сотиб олган Владислав Резник ва “Листвяжная” конининг эгаси Михаил Федяевнинг ўғли Павел Федяев.
2022 йилда Михаил Федяев Дубайда жами 361 миллион рублга (тахминан тўрт миллион доллар) 179 ва 112 квадрат метрлик иккита квартира сотиб олган. Терговчилар энг кўп кўчмас мулкни депутат Александр Прокопев оиласида аниқлади. Унинг опаси Paramount Tower осмонўпар биносининг 63-қаватидаги умумий қиймати 700 миллион рубль (салкам 8 миллион доллар) бўлган 11 та квартирага ва қурилаётган Cavalli Cаса Tower осмонўпар биносида жойлашган яна бир хонадонга эгалик қилади.
Григорий Аникеев депутатлар орасида энг қиммат квартирага эгалик қилади: унинг майдони 1200 квадрат метр бўлган 557 квадрат метрли терассали пентҳауси 2,14 миллиард рублга (тахминан 24 миллион доллар) баҳоланган. Аксарият депутатларнинг ишларидан фарқли ўлароқ, бу мулкнинг расмий эгаси унинг қариндошлари эмас, балки ўзи ҳисобланади.
Қариндошлари Дубайда квартирага эга бўлган “Единая Россия”нинг бошқа аъзолари орасида депутатлардан Александр Сидякин, Saygiдпаша Умаханов, Зелимхан Муцоев, Рахим Азимов ва Руслан Гаджимов ҳам бор. Шунингдек, Россия либерал демократик партиясининг икки депутати (Борис Паикин ва Владимир Кошелев) ва икки коммунистнинг (Анатолий Бифов ва Роман Лябихов) оилалари Дубайда квартирага эга.
Изоҳ (0)