Норвегия бош вазири Йонас Гар Стёре зарурат туғилса Россия билан чегарани ёпишга тайёр эканини маълум қилди. У ҳукумат Финляндия ва Эстониядаги вазиятни кузатиб бораётганини билдирди.
TV 2 телеканалига кўра, матбуот анжумани вақтида журналистлар бош вазирдан Норвегия Финляндия ортидан бориб, Россия билан чегарадаги ягона назорат-ўтказиш пункти — “Стурскуг”ни ёпадими деган саволни берган. “Зарурат туғилса”, — дея жавоб қайтарган Стёре.
Финляндия 2023 йил 18 ноябрдан бошлаб 2024 йил 18 февралга қадар Россия билан чегарадаги тўртта — Ваалимаа, Нуйямаа, Иматра ва Ниирала назорат-ўтказиш пунктларини ёпди. Буни Россия ҳудудидан мигрантлар оқиб келаётгани билан изоҳланди.
Финляндия ҳукумати 25 ноябрь кечаси яна тўртта назорат-ўтказиш пункти ёпилишини ва фақат битта — Рая-Йосеппи очиқ қолишини маълум қилди. Шунингдек, ўтган ҳафта эстониялик чегарачилар Россия билан чегара танкларга қарши тўсиқларни ўрнатган эди.
Изоҳ (0)