Ғазодаги шафқатсизлик ва вайронагарчилик даражаси мисли кўрилмаган даражага етди: анклав аҳолиси тинчликни истаб дуо қилмоқда, агар у келмаса, қўлларида болалари билан тезроқ ўлим топишни истамоқда, деди БМТ котиби ўринбосари Сима Бахус.
“Ғазодаги аёллар бизга тезроқ тинчликка эришиш учун дуо қилишларини айтдилар... агар тинчлик бўлмаса, улар болаларини қўлларида ушлаган ҳолда уйқусида тезроқ ўлим топиш учун дуо қилишади. Бу ҳолат ҳаммамиз учун уят, ҳар қандай она қаерда бўлишидан қатъи назар, бундай дуо қилишга мажбур бўлиши керакмас”, — деди у БМТ Хавфсизлик кенгаши йиғилишида.
Бахуснинг қайд этишича, Ғазо аҳолиси ҳозирда мисли кўрилмаган шафқатсизлик ва вайронагарчиликни бошдан кечирмоқда. Унинг сўзларига кўра, “ҳар соатда иккита она ва ҳар икки соатда етти аёл вафот этмоқда”.
“180 нафар аёл ҳар куни сувсиз, оғриқ қолдирувчи воситаларсиз кўзи ёримоқда”, — дея қўшимча қилди Бахус.
Изоҳ (0)